پاکستان اور آئی ایم ایف کے درمیان کلائمیٹ فنانسنگ کا معاہدہ بھی طے پا چکا 28 ماہ میں پاکستان کو ایک ارب تیس کروڑڈالر ملیں گے
اسلام آباد: (نیوزرپورٹر)پاکستان اورآئی ایم ایف کے درمیان ایک ارب ڈالرکی اگلی قسط کے لیے دوسرے اقتصادی جائزہ پر مذاکرات ستمبرکے آخری عشرے میں شروع ہوں گے، آئی ایم ایف کا وفد 25 ستمبر کو پاکستان کے دورے پر آئے گا۔ذرائع وزارت خزانہ کے مطابق عالمی مالیاتی فنڈ کے ساتھ دوسرے اقتصادی جائزہ پرمذاکرات کی تیاری جاری ہے۔ ساتھ ہی اقتصادی اعداد و شمار کو حتمی شکل دی جارہی ہے جو جلد آئی ایم ایف کے ساتھ شیئر کئے جائیں گے۔مذاکرات کامیابی سے مکمل ہونے کے بعد آئی ایم ایف بورڈ کی منظوری سے پاکستان کے لیے ایک ارب ڈالر کی نئی قسط جاری ہونے کا امکان ہے۔
ذرائع کا کہنا ہے کہ آئی ایم ایف مشن کا دورہ ستمبر دو ہزار چوبیس میں طے پانے والے سینتیس ماہ کے سات ارب ڈالر کے ایکسٹینڈڈ فنڈ فیسلٹی پروگرام کے تحت ہونے جارہا ہے، جس کے تحت پاکستان کو اب تک دو اقساط میں دو ارب ڈالر سے زائد فنڈز موصول ہوچکے ہیں۔
پاکستان اور آئی ایم ایف کے درمیان کلائمیٹ فنانسنگ کا معاہدہ بھی طے پا چکا ہے، جس کے تحت اٹھائیس ماہ میں پاکستان کو ایک ارب تیس کروڑڈالر ملیں گے۔
۔۔۔۔۔۔۔۔
