پاکستانی وقت کے مطابق میچ کا آغاز رات 7:30 پر دبئی کرکٹ سٹیڈیم میںہوگا
دبئی:پاکستان اور بھارت کے درمیان ایشیا کپ کا بڑا ٹاکرا آج 21 ستمبر بروز اتوار کو ہوگا، میچ پاکستانی وقت کے مطابق رات 7:30بجے شروع ہوگا. جس کے لئے دونوںٹیموںنے بھرپور تیاری کر رکھی ہے. پاکستان اور بھارت سمیت دنیا بھر میںکرکٹ میں دلچسپی رکھنے والوں کو بھی اس دلچسپ میچ کا بے چینی سے انتظار ہے .
پاکستان کرکٹ بورڈ کے چئیرمین سید محسن نقوی نے ہفتہ کو دبئی کرکٹ اکیڈمی میںپاکستانی کھلاڑیوں کی ملاقات کی اور ان کا حوصلہ بڑھایا.
ایشیا کپ سپر فور مرحلے میں بھارت کے خلاف میچ سے قبل پاکستان نے پریس کانفرنس منسوخ کردی۔
پاکستانی کھلاڑی یا سپورٹ اسٹاف کے کسی رکن نے مقامی وقت کے مطابق شام 6 بجے میڈیا سے گفتگو کرنا تھی تاہم اسے منسوخ کردیا ہے جس کی وجہ ابھی تک معلوم نہیں ہوسکی ہے۔ یہ ٹورنامنٹ میں دوسرا موقع ہے جب پاکستان نے میچ سے قبل کانفرنس منسوخ کی ہو۔
اس سے قبل یو اے ای کے خلاف گروپ مرحلے کے میچ سے قبل پری میچ کانفرنس منسوخ کی گئی تھی جب پی سی بی نے میچ ریفری اینڈی پائکرافٹ کو ہٹانے کا مطالبہ کیا تھا۔بعدازاں میچ ریفری پائکرافٹ نے کپتان سلمان علی آغا اور ٹیم منیجر سے ملاقات کرکے معافی مانگ لی تھی۔
پاک بھارت میچ کے ٹاس کے وقت تنازع شروع ہوا تھا جب یادیو نے پاکستانی ہم منصب سلمان علی آغا سے ہاتھ نہیں ملایا تھا۔میچ جیتنے کے بعد بھی کپتان سوریا کمار یادیو اور شیوم دوبے پاکستانی کھلاڑیوں سے مصافحہ کیے بغیر ڈریسنگ روم کی طرف چلے گئے تھے۔
بھارتی کپتان سوریا کمار یادیو نے پریس کانفرنس سے خطاب کیا تاہم وہ پاکستان ٹیم سے ہاتھ نہ ملانے کا سوال ہنس کر ٹال گئے.
