اردو کے معروف شاعر سید ضمیر جعفری کی 20ویں برسی گزشتہ روز 12 مئی کو منائی گئی

اسلام آباد(نیوزرپورٹر)اردو کے معروف شاعر سید ضمیر جعفری کی 20ویں برسی گزشتہ روز 12 مئی کو منائی گئی۔ ضمیر جعفری کی پیدائش یکم جنوری 1916ء کو جہلم میں ہوئی۔ ضمیر جعفری نے اردو شاعری کو نئی جہت عطا کی اور مزاحیہ شاعری میں منفرد مقام حاصل کیا۔ انہوں نے درجنوں کتابیں بھی تصنیف کی ہیں جن میں آگ اک تارہ، سرگوشیاں، میرے پیار کی زمین، مسدس بدحالی، نشان منزل، ضمیر بات سمیت دیگر کئی کتب شامل ہیں۔ ان کی تنصیفات کو دنیا بھر میں دلچسپی سے پڑھا جاتا ہے۔ سید ضمیر جعفری کا انتقال 12 مئی 1999ء کو ہوا تھا۔ ان کی برسی کے موقع پر ادبی تنظیموں کی طرف سے خصوصی تقریبات کا انعقاد کیا گیا۔وہ کئی اخبارات میں کالم نگاری بھی کرتے رہے۔