جاپانی ائیر لائن آل نپّون ایئر ویز نے امریکی ریاست ہَوائی کیلئے ڈبل ڈیکر ایئربس اے 380 کی پروازوں کا آغاز کر دیا

ٹوکیو۔:جاپانی ائیر لائن آل نپّون ایئر ویز نے ٹوکیو کے شمال میں واقع ناریتا ہوائی اڈّے سے امریکی ریاست ہَوائی کیلئے ڈبل ڈیکر ایئربس اے 380 کی پروازوں کا آغاز کر دیا ہے۔جاپانی ذرائع ابلاغ کے مطابق مذکورہ ہوائی جہاز دنیا کے سب سے بڑے ہوائی جہازوں میں سے ایک ہے، یہ 72 میٹر لمبا اور دو منزلہ ہے، اس میں 520 نشستیں ہیں جو ہوائی جانے والی پروازوں کے جہازوں کی اوسط نشستوں کے مقابلے میں دو گْنا سے زیادہ ہیں۔آل نپّون ایئرلائن ناریتا اور ہوائی کے راستے پر یہ بڑا ہوائی جہاز استعمال کرنے والی جاپان کی پہلی ایئرلائن ہے۔