پیپلز پارٹی کےُسنئیر رہنما سید خورشید شاہ کی  تمام ہم وطنوں کو عید کی مبارک باد

پیپلز پارٹی کےُسنئیر رہنما سید خورشید احمد شاہ نے عید الفطر کے موقع پر تمام ہم وطنوں کو عید کی مبارک باد دیتے ہوئے خدا کے حضور دعا کی ہے کہ اللہ تعالی ہمیں دائمی امن، سلامتی اور خوشحالی عطا فرمائیں۔ انہوں نے کہا خوشی کے اس موقع پر ہمیں محروم اور پسماندہ طبقات کو بھی اپنی خوشیوں میں شریک کرنا چاہئے۔ انہوں نے کہا کہ وہ بیرون ِ ملک مقیم پاکستانی بھائیوں کو بھی عید کی مبارک باد پیش کرتے ہیں۔ خورشید شاہ نے اپنے پیغام میں کہا ہے کہ عیدالفطر کے موقع پر ہم ان شہدا کو بھی خراجِ عقیدت پیش کرتے ہیں جنہوں نے وطن پر اپنی جانیں نچھاور کیں۔ انہوں نے اپنے پیغام میں ملکی استحکام، ترقی اور امن کیلئے کوشاں رہنے کے عزم کا اعادہ بھی کیا۔