فواد چودھری مذہبی معاملات میں جاہلانہ مداخلت کر کے انتشار کو ہوا دے رہے ہیں۔ مفتی انعام الحق نے پولیس سے مایوس ہو کر ڈی ایف آی اے سے رجوع کر لیا

اسلام آباد :وفاقی وزیر ساءنس اینڈ ٹیکنالوجی فواد چوہدری کے خلاف تھانہ سیکرٹریٹ میں دائر درخواست پرڈی ایس پی کو اپروچ کرنے کے باوجود کاروای نے ہونے پر ڈی جی ایف آی اے سے رجوع کر لیا۔ درخواست گزار مفتی انعام الحق کے مطابق چونکہ ملزم فواد چوہدری دانستہ طور پر اشتعال انگیر بیانات دیکر مذہبی شخصیات کی تضحیک کرکے مذہبی معاملات میں جاہلانہ مداخلت کرکے ملک میں نقص امن اور مذہبی خلفشار کی بنیاد رکھ دی ہے اور وہ مسلسل اسی مہم پر ہے جس پر مدعی نے الزام عائد کیا کہ فواد چوہدری ملکی حالات خراب کرنے کے لئے ملک دشمن اور اسلام دشمن عناصر کے اشاروں پر ناچ رہے ہیں اور بیرونی ایجنڈے پر عمل پیرا ہیں۔مفتی انعام الحق نے ڈی جی ایف آئی اے اور ڈی جی آئی ایس آئی سے استدعا کی کے موصوف کو گرفتار کرکے تفتش کی جاۓ کہ ملزم فواد چوہدری کن کے ہاتھوں میں کھیل رہا ہے ۔انہوں نے کہا ان حالات میںملک کسی سیاسی یا مذہبی خلفشار کا متحمل نہیں ہوسکتا