چین اور امریکہ کی ترقی کیلئے تعاون ہی واحد راستہ ہے،کشیدگی سے کچھ حاصل نہیں ہو گا، چینی سفیر

بیجنگ :امریکہ میں تعینات چین کے سفیر چھوئی تھیان کھائی نے کہا ہے کہ چین اور امریکہ کی ترقی کیلئے تعاون ہی واحد راستہ ہے،کشیدگی سے کچھ حاصل نہیں ہو گا۔چائنہ ریڈیو انٹرنیشنل کے مطابق  ایک بیان میں امریکہ میں تعینات چین کے سفیر چھوئی تھیان کھائی نے کہا کہ چین اور امریکہ ایک دوسرے کے تعاون سے ہی فائدہ اٹھا سکتے ہیں اور کشیدگی سے کچھ حاصل نہیں ہو گا، لہذا دونوں ممالک ترقی کیلئے تعاون ہی واحد راستہ ہے۔ چینی سفیر نے کہا کہ رواں سال چین، امریکہ  سفارتی تعلقات کے قیام کی 40 ویں سالگرہ منائی جا رہی ہے۔ انہوں نے کہا کہ ان چالیس سالوں میں دو طرفہ تعلقات دونوں ممالک کی عوام کی محنت سے مضبوط ہوئے، اور یہ تعلقات مزید تقویت کے مستحق ہیں۔ چھوئی تھیان کھائی نے کہا کہ چینی حکومت اورعوام، تعاون اور استحکام پر مبنی چین، امریکہ تعلقات کو مزید آگے بڑھانے کیلئے پرامید ہیں۔