آصف زرداری اور خواجہ سعد رفیق کے پروڈکشن آرڈر جاری، آج بیس جون کے اجلاس میں شرکت کریں گے

اسلام آباد:اسپیکر قومی اسمبلی اسد قیصر نے پیپلز پارٹی کےشریک چیئر مین رکن قومی اسمبلی آصف علی زرداری اور رہنما مسلم لیگ ن رکن قومی اسمبلی خواجہ سعد رفیق کے پروڈکشن آرڈر جاری کر دیے .اسمبلی سیکرٹریٹ کی جانب سے جاری بیان میں کہا گیا ہے کہ پروڈکشن آرڈر قومی اسمبلی میں کاروائی اور طریق کار کے قواعد 2007کے قاعدہ 108کے تحت جاری کیے گے ہیں۔پروڈکشن آرڈر موجودہ بجٹ سیشن کے لئے ہیں جو انتیس جون تک جاری رہے گا.قبل ازیں پیپلز پارٹی کے رہنماءسید خورشید شاہ اور شازیہ مری وغیرہ رات گئے تھے پروڈکشن آرڈر کے حصول کے لئے سپیکر چیمبر میں موجود تھے.