چین میں نئی توانائی سے چلنے والی گاڑیوں کی عالمی کانفرنس کے لئے چینی صدر کا پیغام

بیجنگ:چینی صدر شی جن پھنگ نے نئی توانائی سے چلنے والی گاڑیوں کی عالمی کانفرنس کے انعقاد کیلئے مبارک باد کا پیغام دیتے ہوئے کہا ہے کہ اس وقت سائنس وٹیکنالوجی کے نئے دوراورصنعتی اصلاحات کا آغاز ہوگیا ہے،چین ماحول دوست، کم کاربن اور پائیدار ترقی کی راہ پر گامزن رہے گا اور عالمی برادری کے ساتھ مل کر نئی توانائی سے چلنی والی گاڑیوں کے حوالے سے سائنسی و تکنیکی ایجاد اورمتعلقہ شعبوں کی ترقی کی رفتار کو تیز کرے گا۔چائنہ ریڈیو انٹرنیشنل کے مطابق چینی صدر مملکت شی جن پھنگ نے نئی توانائی سے چلنے والی گاڑیوں کی عالمی کانفرنس کے انعقاد کیلئے مبارک باد کا پیغام بھیجا، نئی توانائی سے چلنی والی گاڑیوں کی عالمی کانفرنس 2019، 2 جولائی کو صوبہ ہائی نان کے قصبہ بوآ میں منعقد ہوئی۔ چینی صدر مملکت شی جن پھنگ نے اس کانفرنس کے انعقاد پر مبارک باد کا پیغام بھیجا۔انہوں نے کہا کہ اس وقت سائنس وٹیکنالوجی کے نئے دوراورصنعتی اصلاحات کا آغاز ہوگیا ہے اوراس کے ساتھ ہی نئی توانائی سے چلنی والی گاڑیوں کی صنعت بھی تیز رفتارترقی کے مرحلے سے گزررہی ہے۔ جس سے نہ صرف مختلف ممالک کی معاشی ترقی میں نئی قوت حیات ڈالی جائے گی بلکہ اس طرح موسمیاتی تبدیلی کے چیلنج کا مقابلہ کیا جائے گا اورعالمی حیاتیاتی ماحول کو بہتر بنایا جائے گا۔ شی جن پھنگ نے اپنے پیغام میں مزید کہا کہ چین ماحول دوست، کم کاربن اور پائیدار ترقی کی راہ پر گامزن رہے گا اور عالمی برادری کے ساتھ مل کر نئی توانائی سے چلنی والی گاڑیوں کے حوالے سے سائنسی و تیکنیکی ایجاد اورمتعلقہ شعبوں کی ترقی کی رفتار کو تیز کرے گا۔ چین ایک صاف شفاف اور خوبصورت دنیا نیز بنی نوع انسان کے ہم نصیب معاشرے کے قیام کے لئے بھر پور کوشش کرے گا۔