عوام کی خدمت اولین ترجیحات میں شامل ہے,عمران شاہد بٹ

پتوکی ….میونسپل کمیٹی پتوکی کے چیرمین عمران شاہد بٹ نے کہا کہ عوام کی خدمت اولین ترجیحات میں شامل ہے ۔عوامی مسائل کے حل کیلئے حکمت عملی تشکیل دے دی گئی ہے ۔ ان خیالات کا اظہار انہوں نے میونسپل کمیٹی پتوکی چیرمین آفس میں سینئر صحافیوں سے ملاقات کے دوران گفتگو کرتے ہوئے کیا انہوں نے کہا کہ وہ شہر کے مسائل سے پوری طر ح باخبر ہیں اور انہیں حل کرنے کیلئے تمام وسائل بروئے کار لائیں گے انہوں نے کہا کہ شہر میں نکاسی آب اور فراہمی آب کے نظا م کو بہتر بنانے کیلئے بھر پور اقدامات کئے جارہے ہیں میڈیا ہماری رہنمائی کرے ان کی مثبت او ر تعمیری تجاویز کی روشنی میں ترقیاتی منصوبوں کو شروع کیا جائے گا۔ انہوں نے کہا کہ صفائی کا نظام مزید بہتربنانے کیلئے ایک مزید نیا ٹریکٹر خرید لیا گیا ہے ۔جب کہ دیگر مسائل پر پوری نظر ہے انشاء اللہ عوام رابطہ مہم کے دوران عوام سے جو وعدے کئے تھے انہیں پورا کیا جائے گا اس موقع پر پریس کلب پتوکی کے صدر تنویر اسلم خاں، چیرمین چوہدری محمد افضل جٹ، جنرل سیکرٹری شیخ احسن سلیم، چوہدری محمد یوسف، حاجی آصف سعید، فاروق علی سندھو،میاں جاوید اقبال، ملک محمد سلیم، شیخ آصف سعید، او ر دیگر بھی موجود تھے۔