وزیر اعظم جب کنٹینر پرہوتے تھے تو انھیں مہنگائی کا درد ستاتا تھا مگر اب حالات ہی بدل گئے ہیں۔ عامر صدیقی

راولپنڈی( نیوزرپورٹر ) تبدیلی دعوئوں سے نہیں عملی اقدامات سے ہی آئے گی ملکی ترقی و خوشحالی جمہوری استحکام سے وابستہ ہے حکمران عوام کو درپیش چیلنجز کے لئے عملی اقدامات اٹھائیں ان خیالات کا اظہار پاکستان پیپلز پارٹی کے سابق امیدوار اور ترقی پسند فلاحی تنطیم کے صدر محمد عامر صدیقی نے ایک بیان میں کیا ۔انہوںنے کہا تبدیلی سرکار نے عوام کو مہنگائی کے رحم و کرم پر چھوڑ دیا حکومتی وعدے حقیقت کے برعکس ہیں کبھی بجلی ،گیس،پیٹرولیم ،مصنوعات وادویات اشیائے خوردونوش کی قیمتوں میں ہوشربا اضافہ کے بعد تبدیلی سرکار نے آٹااور چینی بھی عوام کی دسترس سے دور کر دیا وزیر اعظم صاحب جب کنٹینر میںہوتے تھے تو انھیں مہنگائی کا درد ستاتا تھا مگر اب حالات ہی بدل گئے اپنی نااہلی کا الزام ڈیڑھ سال بعدبھی پچھلی حکومتوں کو گرد انتے ہیں ۔حکومتی ترقی کی قلعی ٹرانسپرنسی انٹرنیشنل نے عیاں کر دی جسے دبائو میں ڈال کر حقائق نہیں بدلے جا سکتے عامر صدیقی نے کہا کہ پی ٹی آئی کے اندرانی اختلافات ہی انہیں لے ڈوبیں گے تبدیلی سرکارکو وزراء کے مفادات کے بجائے قوم وعوام کے مفادات کاتحفظ یقینی بنانا ہو گا عوامی مشکلات کے خاتمے سے ہی جمہوری نظام کو تقویت ملے گی۔