بھارت :ایک ہی وقت میں 25سرکاری اسکولوں سے تنخواہ لینے والی ٹیچر ڈرامائی انداز میں گرفتار

بھارت میں25سرکاری اسکولوں سے بیک وقت تنخواہ لینے والی ٹیچر کو گرفتار کرلیا گیا۔ بھارتی ریاست اترپردیش میں پرائمری تعلیم کے شعبے میں مبینہ طور پر جعل سازی کا ایک بڑا سکینڈل سامنے اآیا ہے جس کے تحت انامیکا شکلا نامی ایک استانی کو کاس گنج میں گرفتار کر لیا گیا۔انامیکا شکلا کو محکمہ پرائمری تعلیم نے نوٹس بھیجا تھا لیکن وہ اس نوٹس کا جواب دینے کی بجائے استعفیٰ دینے کیلئے گئیں جہاں انھیں ڈرامائی انداز میں گرفتار کرلیا گیا۔پولیس کے مطابق بیسک ایجوکیشن آفیسر کاس گنج کی درخواست پر مقدمہ درج کر کے انامیکا شکالا کو گرفتار کیا گیا ہے۔اس کے بارے میں معلوم ہوا ہے کہ وہ بیک وقت 25 سرکاری سکولوں میں پڑھا رہی تھیں اور کسی بھی سکول میں جائے بغیر ہر جگہ سے تنخواہ وصول کر رہی تھیں۔