پیپلز پارٹی کے کارکن سلیکٹڈ کی ڈوبتی کشتی کو آخری دھکہ دینے کے لئے پوری طرح متحرک ہو چکے ہیں،سردار شعیب ممتاز

اسلام آباد:پیپلز پارٹی کے مرکزی راہنما و سابق امیدوار قومی اسمبلی سردار شعیب ممتاز نے کہا ہے کہ ضمنی الیکشن میں اپوزیشن جماعتوں کی جیت جعلی حکمرانوں کے منہ پر طمانچہ ہے عوام نے سلیکٹڈ حکمرانوں کے خلاف فیصلہ دیدیا قوم جاگ چکی ہے اپوزیشن کی جیت جعلی حکومت سے چھٹکارے کی جانب پہلا قدم ہے سینٹ الیکشن بھی پی ڈی ایم بھاری اکثریت سے جیتے گی انھوں نے اپنے سیکریٹریٹ میں پارٹی کارکنوں سے خطاب کرتے ہوئے کہا کہ تحریک انصاف ملکی تاریخ کی ناکام ترین حکومت ہے ۔انھوں نے جھوٹ کی سیاست اور چور دروازے سے اقتدار پر قبضہ کیا تھا۔ انھیں غریب عوام کے مسائل سے کوئی سروکار نہیں ہے پیپلز پارٹی کے کارکن سلیکٹڈ کی ڈوبتی کشتی کو آخری دھکہ دینے کے لئے پوری طرح متحرک ہو چکے ہیں۔