نکیال، ٹرانسپورٹ کرآ یوں میں اضافہ کے خلاف احتجاج

نکیال …..کوٹلی سے نکیال جانے والے مسافر کرایہ جات میں اضافہ کے خلاف سراپا احتجاج بن گئے۔ مختصر دورانیہ میں کمشنر میرپور ڈویژن کی طرف سے جاری کردہ کرایہ نامہ کی کھلم کھلا دھجیاں اڑا دی گئیں . کوٹلی سے نکیال جانے والی ھائی ایس کے ڈرائیورز اور کنڈکٹرز فی سواری سے 110 روپے وصول کرنے لگے .جبکہ پٹرول و ڈیزل کی قیمتوں میں معمولی اضافہ کے فورا بعد ہی کرایہ جات میں اضافہ کر دیا جاتا ہے مگر یہ اصول اس وقت لاگو نہی ھوتا جب حکومت کی طرف سے پٹرول و ڈیزل کی قیمتوں میں کمی کا اعلان کیا جاتا ہے ۔ وزیراعظم، چیف سیکرٹری اور وزیر ٹرانسپورٹ سے شہریوں نے کرائے میں اضافہ کے خلاف سخت کارروائی کامطالبہ کیا ہے تاکہ عوام الناس سکھ کا سانس لے سکیں ۔