امید ہے سعودی جیلوں سے 2107 قیدی جلد رہا ہوجائیں گے، پاکستانی سفیر

ریاض :سعودی عرب میں پاکستانی سفیر راجہ علی اعجاز نے کہا ہے قید پاکستانیوں کی رہائی کیلئے سعودی حکام سے رابطے میں ہیں، امید ہے 2107 قیدی بہت جلد رہا ہوجائیں گے۔ جمعرات کو سعودی عرب میں پاکستانی سفیر راجہ علی اعجاز نے اپنے بیان میں کہا کہ قیدپاکستانیوں کی رہائی کیلئے سعودی حکام سے رابطے میں ہیں اور دفتر خارجہ میں بھی ملاقاتیں جاری ہیں، جدہ میں سعودی وزارت داخلہ حکام سے بھی ملاقات ہو گی، امید ہے 2107 قیدی بہت جلد رہا ہوجائیں گے، قیدیوں کی منتقلی کے معاہدے کے بارے میں بھی بات چیت جاری ہے اور جب معاہدے پر دستخط ہوجائیں گے تو قیدی اپنی بقیہ سزا اپنے ملک میں پوری کرنے کے اہل ہوجائیں گے۔