رتوڈیرو میں ایچ آئی وی مریضوں کی تعداد 507 تک پہنچ گئی، 410 بچے بھی متاثر

لاڑکانہ :رتوڈیرو میں ایچ آئی وی کے مریضوں کی تعداد 507 تک پہنچ گئی، جن میں 410 بچے اور 97 بڑے افراد شامل ہیں، 13876افراد کی اسکریننگ مکمل ہوگئی ہے،تفصیلات کے مطابق رتوڈیرو میں ایچ آئی وی متاثرہ افراد کی تعداد میں روز بروز خطرناک حد تک اضافہ ہورہا ہے، تحصیل اسپتال رتوڈیرو میں قائم جنرل اسکریننگ کیمپ میں 17ویں روز مزید 1192 افراد کی بلڈ اسریننگ کے بعد 29 نئے کیسسز سامنے آ گئے، جس میں 23 معصوم بچے اور 6 بالغان شامل ہیں۔سندھ ایڈزکنٹرول پروگرام کے مطابق نئے کیسز کے بعد ایچ آئی وی متاثرین کی مجموعی تعداد 507 ہو گئی ہے، جس میں 410 معصوم بچے شامل ہیں۔