چائنہ ریلوے کنسٹرکشن کارپوریشن کمپنی کا اسلام آباد میں 32 ایکڑ پر آئی ٹی اسپیشل اکنامک زون قائم کر نے کا اعلان

اسلام آباد: چائنہ ریلوے کنسٹرکشن کارپوریشن کمپنی پاکستان سوفٹ وئیر ایکسپورٹ بورڈ کے ساتھ مل کر اسلام آباد میں 32 ایکڑ پر آئی ٹی اسپیشل اکنامک زون قائم کرے گی، اکنامک زون میں چینی اور بین الاقوامی کمپنیاں سرمایہ کاری کریں گی۔مشیر تجارت عبدالرازق داؤد سے چین کی کمپنی چائنہ ریلوے کنسٹرکشن کارپوریشن کے وفد نے ملاقات کی۔کمپنی سرکاری ادارے پاکستان سوفٹ وئیر ایکسپورٹ بورڈ کے ساتھ مل کر اسلام آباد میں 32 ایکڑ پر آئی ٹی اسپیشل اکنامک زون قائم کرے گی۔چینی کمپنی کے حکام نے بتایا کہ اکنامک زون میں چینی اور بین الاقوامی کمپنیاں سرمایہ کاری کریں گی۔مشیر تجارت نے ملک میں سرمایہ کاری کے مواقع پر کمپنی کو بریفنگ دی۔مشیر تجارت نے چینی کمپنی کو سرمایہ کاری میں ہر ممکن تعاون کی یقین دہانی کرائی۔