سی پیک منصوبہ برآمدات کے اہداف پورے کرنے کی بھر پور صلاحیت رکھتا ہے، حکام

اسلام آباد(نیوزرپورٹر) چین پاکستان اقتصادی راہداری (سی پیک) منصوبہ میں برآمدات کے اہداف پورے کرنے کی بھر پور صلاحیت موجود ہے۔ سی پیک اتھارٹی کے حکام کے مطابق یہ منصوبہ مستقبل میں پاکستان میں برآمدات کے شعبے میں بنیادی کردار ادا کرتے ہوئے برآمدات میں اضا فے کا باعث بنے گا جس سے حکومت کی برآمدات کے اہداف پورے ہو جائیں گے۔ سی پیک کے منصبوں کی بروقت تکمیل کو یقینی بنا نے کے ساتھ ساتھ صنعتی شعبے کو وسعت دے کربرآمدات کو 18 فیصد تک بڑھایا جا رہا ہے جس سے حکومت کو مجموعی داخلی پیداوار میں 6.5 فیصد تک اضافہ ہونے کے قوی امکانات ہیں۔ سی پیک منصوبہ کے دوسرے مرحلے میں سماجی فلاح و بہبود کے شعبے پر بھی خاص توجہ دی جا رہی ہے۔