پاک چین اقتصادی راہداری، چین کی جدید ترین ٹیکنالوجی کی منتقلی کے ذریعے پیشہ ورانہ تعلیم اور تربیت کے اداروں کی استعدادکار بڑھا ئی جا رہی ہے،سی پیک اتھارٹی

اسلام آباد: پاک چین اقتصادی راہداری،(سی پیک) کے دوسرے مرحلے میں ہنرمند افرادی قوت کی ضرورت پوری کرنے کیلئے چین کی جدید ترین ٹیکنالوجی کی منتقلی کے ذریعے تکنیکی اور پیشہ ورانہ تعلیم اور تربیت کے اداروں کی استعدادکار بڑھائی جا رہی ہے۔ سی پیک اتھارٹی کے حکام کے مطابق حکومت پاکستان چین کی جدید ترین ٹیکنالوجی کی منتقلی کے ذریعے پیشہ ورانہ تعلیم اور تربیت کے اداروں کی استعدادکار بڑھا رہی ہے۔ اس منصوبے پر چین کے پاکستان کے بارے میں سماجی و اقتصادی ترقی کے امدادی پروگرام کے ذریعے عملدرآمد کیا جا رہا ہے۔ منصوبے کے تحت تکنیکی اور فنی تعلیم کے اداروں کو سمارٹ لیبارٹریوں اور جدید آلات سے لیس کیا جائے گا اور ان اداروں میں لیول پانچ کے جدید نصاب سے استفادہ کیا جائے گا۔