سی پیک منصوبے کو پایہ تکمیل تک پہنچانے کیلئے شہری بھی اپنا کردار ادا کریں 

سرگودھا:سی پیک منصوبے کو ملک کے تمام شہروں تک بڑھانے کیلئے حکومت ترجیح بنیادوں پر اقدامات کررہی ہے بندر گاہوں اور قدرتی وسائل سے مالا مال پاکستان پر دنیا بھر کے سرمایہ کاروں کی نظریں ہیں ضرورت اس امر کی ہے کہ سی پیک منصوبے کو پایہ تکمیل تک پہنچانے کیلئے حکومت اور پاک فوج کے علاوہ شہری بھی اپنا کردار ادا کریں ان خیالات کا اظہار پاکستان تحریک انصاف سپورٹس اینڈ کلچر فیڈریشن سرگودھا ڈویژن کے صدر راجہ عبدالوہاب نے کیا انہوں نے کہا کہ پاکستان کی اقتصادی ترقی کیلئے سی پیک منصوبہ انقلابی قدم ہے اور اس سے ملک معاشی طور پر خوشحال ہوگا راجہ عبدالوہاب نے کہا کہ سرگودھا ڈویژن کے ضلع خوشاب کو سی پیک منصوبے میں شامل کیا گیا ہے ضرورت اس امر کی ہے کہ سرگودھا کو خوشاب سے ملانے والی سڑک کو کشادہ کرکے ون وے کیا جائے تاکہ سرگودھا کے علاوہ حافظ آباد‘ منڈی بہاؤالدین‘ چنیوٹ‘ فیصل آباد‘ جھنگ کے عوام بھی اس منصوبہ سے مستفید ہوسکیں۔