چین کا بڑھتا اثر ورسوخ امریکہ کا ہانگ کانگ کو دی گئی مراعات بتدریج ختم کرنے کا اعلان

واشنگٹن:امریکی صدر ڈونلڈ ٹرمپ نے کہا ہے کہ ان کی انتظامیہ ہانگ کانگ کو ملنے والی کئی خصوصی مراعات ختم  کرے گی۔امریکی ذرائع ابلاغ کے مطابق امریکہ کی جانب سے  یہ فیصلہ ایسے وقت کیا گیا ہے جب چین نے ہانگ کانگ میں ریاست مخالف سرگرمیوں کے خلاف کارروائی کرتے ہوئے سلامتی کا ایک نیا قانون متعارف کرانے کا فیصلہ کیا ہے۔ صدر ٹرمپ نے یہ اعلان  گذشتہ  روز ایک پریس کانفرنس میں کیا۔ صدر ٹرمپ نے کہا کہ ہانگ کانگ اب اتنا خود مختار نہیں رہ گیا کہ اس کے ساتھ ترجیحی سلوک برقرار رکھا جا سکے۔ انہوں نے چین پر الزام لگایا کہ اس نے ‘ایک ملک دو نظام’ کو ‘ایک ملک ایک نظام’ میں تبدیل کر دیا ہے۔انہوں نے کہا کہ اس اقدام سے امریکہ اور ہانگ کانگ کے درمیان تمام تر معاہدوں پر اثر ہو گا جن میں مجرمان کی حوالگی سے لے کر  برآمدی پابندیاں تک شامل ہیں۔ صدر ٹرمپ نے عندیہ دیا کہ مرکزی چین اور ہانگ کانگ کے ایسے حکام پر پابندیاں لگائی جائیں گی جنہیں خطے کی خود مختاری کے خاتمے میں ملوث تصور کیا جائے گا۔ ۔۔۔۔۔۔۔۔۔۔۔۔۔۔