بھارت اور اسرائیل اپنی خفیہ ایجنسیوں کے ذریعے پاکستان میں دہشت گردی میں ملوث ہیں مظہر شاہ

اسلام آباد:پیپلز پارٹی کے سنئیر راہنما مظہر شاہ نے کہا ہے کہ بھارت اپنی خفیہ ایجنسی را  اور اسرائل اپنی خفیہ ایجنسی مو ساد کے ذریعے پاکستان میں دہشت گردی میں ملوث ہے، ان دونوں ممالک کی خفیہ ایجنسیاں لداخ ، کشمیر اور فلسطین سے دنیا کی  توجہ ہٹانے کے پراکسیز کے ذریعے دہشت گردی کروا رہی  ہیں۔ ایک بیان میں انہوں نے کہا کہ  کراچی اسٹاک ایکسچینج میں بزدلانہ  دہشت گردی کی کاروائیوں کے پیچھے بھی ان کا ہاتھ ہے ۔ انہوں نے کہا  بھارت اور اسرائیل لداخ اور کشمیر  و فلسطین میں اپنی ناکامیوں کو چھپانے کے لئے بین الاقوامی برادری کی توجہ ہٹانا چاہتے ہیں اور  پاکستان جیسے پر امن ملک میں اپنی ایجنسیوں کے ذریعے دہشت گردی کو پروان چڑھاناچاہتے ہیں لیکن انھیں یاد رکھا چاہئے کہ دہشت گردوں کے لئے پاکستان میں کوئی جائے پناہ نہیں ۔