ہر روز کام پر جاتا ہوں ، میں اپنے آپ کو اور اپنے پورے کنبہ کو قربان کرتا ہوں ،” تا ہم میں افق پر روشنی نہیں دیکھ رہا ہوں،ڈاکٹر
قاہرہ :مصر میں کورونا وائرس کے پھیلاو کے معاملے پر حکومت کو تنقید کا نشانہ بنانے والے متعدد ڈاکٹروں کو گرفتار کر لیا گیا ۔ غیر ملکی خبر رساں ادارے کے مطابق ایک ڈاکٹر کو صحت کے ناقص نظام کے بارے میں مضمون لکھنے پر گرفتار کر لیا گیا ۔ حفاظتی پوشاک کی کمی کے بارے میں آن لائن پوسٹ کرنے کے بعد ایک فارماسسٹ کو کام کے دوران حراست میں لے لیا گیا ۔ ایک ایڈیٹر کووائرس کے سرکاری اعدادوشمار پر پوچھ گچھ کے بعد اپنے گھر سے اٹھا لیا گیا۔ ایک حاملہ ڈاکٹر کو اسکے کولیگ کوکورونا وائرس کے معاملے کی اطلاع دینے کے لئے اس کا فون استعمال کرنے کے بعد گرفتار کرلیا گیا۔سیکیورٹی اداروں نے صدر عبد الفتاح السیسی کی حکومت کی طرف سے صحت کے بحران سے نمٹنے کے بارے میں تنقید کی روک تھام کرنے کی کوشش کی ہے۔
حقوق انسانی گروپوں کے مطابق فروری میں مصر میں اس وائرس کو پہلی بار متاثر ہونے کے بعد سے کم از کم 10 ڈاکٹروں اور چھ صحافیوں کو گرفتار کیا گیا ہے۔ دیگر صحت کارکنوں کا کہنا ہے کہ انھیں منتظمین کی طرف سے متنبہ کیا گیا ہے کہ وہ خاموش رہیں یا سزا کا سامنا کریں۔ ایک غیر ملکی نمائندہ گرفتاری کے خوف سے ، ملک سے فرار ہوگیا ہے ، اور دوسرے دو کو "پیشہ ورانہ خلاف ورزیوں” پر سرزنش کرنے کے لئے طلب کیا گیا ہے۔کرونا وائرس کے انفیکشن 100 ملین کے ملک میں بڑھ رہے ہیں ، جس سے اسپتالوں میں جگہ کم پڑنے کا خطرہ ہے۔ گذشتہ روز تک ، وزارت صحت میں 76،253 انفیکشن ریکارڈ کیے گئے ، جن میں 3،343 اموات شامل ہیں ـ ” قاہرہ میں ایک فرنٹ لائن ڈاکٹر نے بتایا۔میں ہر روز کام پر جاتا ہوں ، میں اپنے آپ کو اور اپنے پورے کنبہ کو قربان کرتا ہوں ،” تا ہم میں افق پر روشنی نہیں دیکھ رہا ہوں۔
