گوجرانوالہ اور کراچی جلسے کی تاریخی کامیابی نے سلیکٹڈ حکمرانوں کی نیندیں حرام کردی ہیں، افتخار عباسی

راولپنڈی:گوجرانوالہ اور کراچی جلسے کی تاریخی کامیابی نے سلیکٹڈ حکمرانوں کی نیندیں حرام کردی ہیں مہنگائی بے روزگاری بجلی گیس بلوں میں ہو ش ربا اضافہ کے ستائے غریب عوام نااہل حکمرانوں کے خلاف اٹھ کھڑے ہوئے ہیں تحصیل مری کے جیالوں نے جلسے میں بھوپور شرکت کرکے اپنا حق ادا کردیا ان خیالات کا اظہار پیپلز پارٹی تحصیل مری کے صدر افتخار احمد عباسی نے پارٹی آفس میں کارکنوں کا شکریہ ادا کرنے کی تقریب سے خطاب کرتے یوئے کیا انھوں نے کہا کہ جعلی حکمران جتنا مرضی جھوٹے بے بنیاد اور اوچھے ہتھکنڈے استعمال کرلیں اب عوام کی آنکھوں میں دھول نہیں جھونک سکتے ۔