سی پیک کے تحت پاکستان کی کاٹن کی صنعت کو فروغ ملے گا، صدر پاکستان سنٹرل کاٹن کمیٹی

اسلام آباد:پاکستان سنٹرل کاٹن کمیٹی (پی سی سی سی) کے صدر ڈاکٹر محمد علی تالپور نے کہا ہے کہ سی پیک کے تحت پاکستان کی کاٹن کی صنعت کو فروغ ملے گا، کاشتکاروں کو رواں سال پبلک پرائیویٹ پارٹنرشپ کے ذریعے کپاس کا بہترین بیج فراہم کیا جائے گا۔ انہوں نے کہا کہ کاشتکاروں کو بیج معروف سیڈ کمپنیوں کی مدد سے دیا جائے گایی اور پی سی سی سی ملک میں بڑے پیمانے پر معیاری بیجوں کی فراہمی کو یقینی بنائے گی۔ ڈاکٹر محمد علی تالپور نے ڈائریکٹر ریسرچ ڈاکٹر تصور حسین کو ہدایت کی ہے کہ وہ ملک میں پی سی سی سی کے تحت کام کرنے والے تمام تحقیقی اداروں سے رابطے میں رہیں اور معیاری بیجوں کی دستیابی کو یقینی بنائیں۔ انہوں نے یہ بھی کہا کہ وزارت فوڈ سکیورٹی اینڈ ریسرچ سی پیک کے تحت چینی بیج کی ٹیکنالوجی کے حصول میں بھی کردار ادا کررہی ہے۔