سی پیک سے صنعتی انقلاب کی راہ ہموار،معاشی ترقی سمیت اقتصادی استحکام اور غربت و بیروزگاری کاخاتمہ یقینی بنایاجاسکے گا، ترجمان سمال انڈسٹریل اسٹیٹ

فیصل آباد:سمال انڈسٹریل سٹیٹ فیصل آباد کے ترجمان نے کہا کہ چین پاکستان اقتصادی راہداری کی تکمیل اور چین کے ساتھ ہونیوالے اربوں ڈالر کے معاہدوں سے جلدملک میں صنعتی انقلاب کی راہ ہموارہو گی جبکہ معاشی ترقی سمیت اقتصادی استحکام اور غربت و بیروزگاری کاخاتمہ بھی یقینی بنایاجاسکے گا۔انہوں نے کہاکہ پاک چین اقتصادی راہداری پاکستان کی تاریخ میں سنگ میل ثابت ہو گی۔ انہوں نے کہاکہ کالا باغ ڈیم ملک سے توانائی کے بحران کاخاتمہ اور صنعتی، کاروباری، تجارتی، زرعی ترقی کا پیش خیمہ ثابت ہو سکتاہے۔ پاک چین اکنامک کوریڈور کے منصوبہ پر صنعتکار برادری حکومت کو خراج تحسین پیش کرتی ہے۔انہوں نے کہا کہ حکومت پر یہ ذمہ داری بھی عائد ہوتی ہے کہ وہ ان منصوبوں کو تیزی کے ساتھ مکمل کروانے کے علاوہ ان کی شفافیت کو بھی یقینی بنائے تاکہ اس کے ثمرات سے قوم جلد مستفید ہو