پنجاب اولمپکس گیمز میں شرکت کے لئے راولپنڈی ڈویژن کی اتھلیٹکس ٹیم کے انتخاب کے لئے ٹرائل آج ہوں گے

اسلام آباد: پنجاب اولمپکس گیمز میں شرکت کے لئے راولپنڈی ڈویژن کی اتھلیٹکس ٹیم کے انتخاب کے لئے ایک روزہ ٹرائل آج بدھ 12 جنوری کو پاکستان سپورٹس کمپلیکس کے بیرونی ٹریک پر منعقد ہوں گے ۔ ٹرائلز میں راولپنڈی ، اٹک ، چکوال ، مری ، تلہ گنگ اور مضافاتی علاقوں کے اتھلیٹس حصہ لے سکتے ہیں۔ ٹرائلز میں سو ، دوسو ، چارسو ، آٹھ سو ، پندرہ سو ، پانچ ہزار میٹرز ، سو میٹرز ریلے ریسز جبکہ شاٹ پٹ ، جیولین تھرو ، لانگ جمپ اور ہائی جمپ کے ایونٹس شامل ہیں ۔ ٹرائلز میں لڑکے اور لڑکیاں حصہ لے سکتی ہیں ۔ انٹرنیشنل اتھلیٹ اور راولپنڈی ڈویژن اتھلیٹکس ایسوسی ایشن کے صدر سید حبیب شاہ اور ڈویژنل سپورٹس آفیسر وحید بابر ٹرائلز کی نگرانی کریں گے ۔جبکہ محمد اعجاز ٹیکنیکل معاون ہوں گے ,گیمز 24 سے 26 جنوری کو لاہور میں منعقد ہوں گی جسمیں اتھلیٹکس کے علاوہ دیگر کھیلوں کے مقابلے بھی ہوں گے۔