ملک میں آئینی ترمیم کی بعد کی صورت حال پر غور اور ملکی ترقی کیلئے کوششیں تیز کرنے کے عزم کا اعادہ کیا گیا
اسلام آباد: ملک کی موجودہ تیزی سے بدلتی سیاسی صورت حال کے تناظر میں ایوان صدر اسلام آباد میں تین بڑوں کی اہم بیٹھک ہوئی ہے۔ایوان صدر میں ہونے والی اس ملاقات میں صدر آصف زرداری سے وزیراعظم اور آرمی چیف جنرل عاصم منیر نے ملاقات کی۔ذرائع کے مطابق ملک کی موجودہ تیزی سے بلدتی سیاسی صورت حال کے حوالے سے ملک کے تین بڑے مل کر بیٹھے اور اہم معاملات کے حوالے سے تبادلہ خیال کیا۔
ذرائع کے مطابق ملک کے تینوں بڑوں نے 26 ویں آئینی ترمیم کے بعد بدلتی صورت حال اور مجزوہ 27 ویں ترمیم کے حوالے سے بھی اہم امور پر تبادلہ خیال کی۔
) ایوان صدر میں تین بڑوں کی بیٹھک میں شنگھائی تعاون کونسل ( ایس سی او ) کے سربراہ اجلاس کا خیرمقدم کیا گیا اور سیاسی اور عسکری قیادت نے ملکی ترقی کیلئے کوششیں تیز کرنے کے عزم کا اعادہ کیاگیا۔
ذرائع کے مطابق ملاقات نئے چیف جسٹس کی حلف برداری تقریب کے موقع پر ہوئی،ملاقات میں ملکی مجموعی صورتحال پر تفصیلی مشاورت کی گئی۔ذرائع کے مطابق ملاقات میں ملک کی امن و امان اور معاشی صورتحال پر بھی بات چیت کی گئی اورسیاسی اور عسکری قیادت نے ملکی ترقی کیلئے کوششیں تیز کرنے کے عزم کا اعادہ کیا۔
ذرائع کے مطابق ملاقات میں پاکستان میں ایس سی او کانفرنس کے انعقادکا خیرمقدم کرتے ہوئے اسے ایک خوش آئند پیشرفت قرار دیا گیا۔ملاقات آدھا گھنٹہ جاری رہی۔
