سندھ کی ٹگ آف وار ٹیم کے انتخاب کے لئے اوپن ٹرائلز 24ستمبر منعقد ہوں گے

کراچی . کوئٹہ میں ہونے والے نیشنل گیمز میں شرکت کے لئے سندھ کی ٹگ آف وار ٹیم کے انتخاب کے لئے اوپن ٹرائلز 24ستمبر بروز اتوار دوپہر ایک بجے کسٹمز اسپورٹس کمپلیکس میں منعقد ہوں گے اس سلسلے میں سیکریٹری سندھ ٹگ آف وار ایسوسی ایشن جاوید اقبال نے ٹرائلز کے لئے سلیکشن کمیٹی کا اعلان کردیا جس کے مطابق محسن علی خان چیئرمین، کمانڈر محفوظ علی خان نائب چیئرمین، لالہ عبدالوحید، ضمیر الحسن جعفری، نصرت حسین، حمید بلوچ اور پرویز شیخ ممبران ہوں گے ٹرائلز میں شرکت کے خواہشمند کھلاڑیوں کو دو عدد پاسپورٹ سائز تصاویر اور شناختی کارڈ کی فوٹوکاپی کے ہمراہ کیمپ میں رپورٹ کی ہدایت کی گئی ہے۔