صرف فیمیلیزکو پارکس میں داخلے کی اجازت ہوگی ہلڑ بازی، ون ویلنگ کرنے والوںکے خلاف بھی سخت ایکشن ہوگا
اسلام آباد:شہر میںعید الفطر کے انتظامات کے حوالےسے آئی جی اسلام آباد سید علی ناصر رضوی نے تمام ایس ایچ اوز سے زوم میٹنگ کی. عید کی نماز اور تینوں روز اسلام آباد پولیس کے 3000 سے زائد افسران و جوان فرائض منصبی سرانجام دیں گے۔آئی جی کی جانب سے
اسلام آباد کے تمام مراكز ، مارکیٹس ، شاپنگ سینٹرز اور کار پارکنگ ایریا میں چاند رات کو خصوصی سکیورٹی انتظام کرنے کی ہدایات۔عید کی نماز کے لئے تمام افسران مساجد، امام بارگاہوں کی سکیورٹی کو یقینی بنائیں گے۔عید پر تمام پاركس اور تفریح مقامات میں بروقت سکیورٹی انتظامات کئے جائیں گے۔
فیمیلیز پارکس میں فیمیلیز کے علاوہ کسی کو داخلے کی اجازت نہیں ہوگی۔سڑکوں پر ہلڑ بازی، ون ویلنگ کے سخت کریک ڈاون کیا جائے۔
رہائشی علاقوں میں چاند رات پر ہوائی فائرنگ، ہلڑ بازی کے خلاف کریک ڈاون کیا جائے۔ایسے تمام افراد کے خلاف قانونی کارروائیاں عمل میں لائی جائیں گی۔آئی جی نے کہا کہ شہریوں کو زیادہ سے زیادہ سہولیات فراہم کرنے کے لئے ہر اقدام اٹھایا جائے۔عید الفطر کے موقع پر اسلام آباد پولیس شہریوں کی حفاظت کو یقینی بنائے گی۔ آئی جی اسلام آباد نے شہریوں سے گزارش کی کہ وہ پولیس کے ساتھ تعاون کریں۔
