ٹورنامنٹ میں پانچ ٹیمیں حصہ لیں گی،ہر ٹیم آٹھ میچز کھیلے گی، مجموعی طور پر 22 میچز کھیلے جائیں گے
کراچی :نیشنل ویمنز ٹی ٹوئنٹی ٹورنامنٹ 7 مئی سے کراچی میں شروع ہوگا۔ ٹورنامنٹ میں پانچ ٹیمیں حصہ لیں گی اور یہ میچز نیشنل بینک اسٹیڈیم اور ہائی پرفارمنس سینٹیر اوول گراؤنڈ میں کھیلے جائیں گے۔
ٹورنامنٹ میں شریک پانچ ٹیمیں چیلنجرز، کانکررز ، انونسیبلز ، اسٹارز اور اسٹرائیکرز ہیں۔ ڈبل لیگ فارمیٹ میں ہر ٹیم آٹھ میچز کھیلے گی اور مجموعی طور پر 22 میچز کھیلے جائیں گے۔
پوائنٹس ٹیبل پر دوسرے اور تیسرے نمبر پر آنے والی ٹیمیں 22 مئی کو کوالیفائر میں آمنے سامنے ہوں گی جس میں فاتح 24 مئی کو فائنل میں ٹاپ رینک ٹیم سے مقابلہ کرے گا۔ فائنل نیشنل بینک اسٹیڈیم میں کھیلا جائے گا۔
ٹورنامنٹ میں مجموعی طور پر 80 کرکٹرز حصہ لیں گی۔
