ہمیشہ پاکستان کے لئے دعاگو ہوں، بھارت کے بزدلانہ حملے کے بعد پاکستان سے اظہار یکجہتی
سیول،اسلام آباد:امت مسلمہ ایک جسم کی ماند ہے جب جسم کے ایک حصے میں تکلیف ہوتی ہے تو پورا جسم بے چین رہتا ہے.اس حدیث کے مصداق بھارت کے پاکستان پر حملے پر پورا امت مسلمہ تکلیف کا شکار ہے اور اس درد کو محسوس کر رہی ہے.
حال ہی میں اسلام قبول کرنے والے کورین گلوکار کم داؤد نے بھارت کی جانب سے بزدلانہ حملے کے بعد پاکستان سے اظہارِ یکجہتی کیا ہے۔جنوبی کوریا سے تعلق رکھنے والے معروف گلوکار کم داؤد نے حالیہ پاک بھارت کشیدگی پر اظہار رائے کرتے ہوئے پاکستان کے ساتھ یکجہتی کا اظہار کیا ہے۔انہوں نے انسٹاگرام پر پاکستان کے خوبصورت مقامات پر اپنے دورے کی یادگار ویڈیو شیئر کی جس کے کیپشن میں انہوں نے لکھا کہ ’ہمیشہ پاکستان کے لیے دعاگو ہوں‘۔یاد رہے کہ اسلام قبول کرنے والے جنوبی کوریائی گلوکار کم داؤد کا یہ بیان ایسے وقت میں سامنے آیا ہے جب رات کی تاریکی میں بھارتی فوج نے آزاد کشمیر کے علاقوں، کوٹلی، مظفر آباد اور پنجاب کے مرید کے، احمد پور شرقیہ میں شہری آبادی کو نشانہ بناتے ہوئے بزدلانہ حملے کیے۔بھارت کی جانب سے بزدلانہ حملے کے نتیجے میں اب تک51پاکستانی شہید اور سینکڑوں زخمی ہو چکے ہیں جن میں بچے اور خواتین بھی شامل ہے۔پاک فوج نے ان حملوں کا منہ توڑ جواب دیتے ہوئے بھارت کے 5 جنگی طیارے، ڈرون، ایک انفنٹری بریگیڈ ہیڈ کوارٹر اور 6 مہار یونٹس کے بٹالین ہیڈ کوارٹرز کو تباہ کر دیا۔ پاک فوج نے بھارت کو منہ توڑ جواب دیتے ہوئے 5 جہاز اور 7 ڈرونز مار گرائے۔
