عمر 77 سا ل معروف اداکارہ خالدہ ریاست کی بڑی بہن تھیں
کراچی میں تنہاء رہتی تھیں لاش ایک ہفتہ پرانی ، دوست تہمینہ خالد سے رابطہ تھا
کراچی: سینیئر ٹی وی اداکارہ عائشہ خان انتقال کرگئی ہیں۔ ان کی لاش ایک ہفتہ پرانی ہے کراچی کے ایک فلیٹ میں تنہاء رہتی تھیں۔فلیٹ سے بو محسوس ہونے پر پڑوسیوں نے پولیس کو اطلاع دی ۔صرف اپنی ایک دوست تہمینہ خالد سے رابطہ تھا تہمینہ کے مطابق اداکارہ عائشہ خان کی عمر 77 برس تھی۔ عائشہ خان نے کئی کامیاب ڈراموں میں اداکاری کی۔عائشہ خان کے مشہور ڈراموں میں افشاں، عروسہ، فیملی 93 اور مہندی شامل ہیں۔
کراچی کے علاقے گلشن اقبال میں رہائشی فلیٹ سے ملنے والی لاش سینیئر اداکارہ عائشہ خان کی ہے، پولیس نے تصدیق کردی۔پولیس نے تصدیق کرتے ہوئے بتایا کہ اداکارہ عائشہ خان کی لاش ایک ہفتہ پرانی ہے، خاتون گھر میں اکیلے رہ رہی تھیں۔گھر سے بدبو پھیلنے پر علاقہ مکینوں نے رشتہ داروں کو اطلاع دی۔
اداکارہ عائشہ خان کی لاش جناح اسپتال سے سہراب گوٹھ ایدھی سردخانے منتقل کردی گئی ہے۔واضح رہے کہ جمعرات کو سینیئر اداکارہ عائشہ خان کی دوست تہمینہ خالد نے عائشہ خان کے انتقال کی تصدیق کی تھی۔
اداکارہ عائشہ خان کی عمر 77 برس تھی،انہوں نے کئی کامیاب ڈراموں میں اداکاری کی ۔ان کے مشہور ڈراموں میں افشاں، عروسہ، فیملی 93، مہندی شامل ہیں۔عائشہ خان گزشتہ کئی سالوں سے ڈراموں سے دور تھیں۔ وہ خالدہ ریاست کی بڑی بہن تھیں۔
۔۔۔۔۔۔۔
