مستقبل میں کوئی بھی فلنگ سٹیشن الیکٹرک چارجز کے بغیر نصب نہیںہوگا، حکومتی فیصلہ
اسلام آباد(نیوزرپورٹر)1 ملک گروپ آف کمپنیز کے چیف ایگزیکٹو آفیسر ملک خدا بخش اور ہمایوں خان، ایڈیشنل سیکریٹری اور منیجنگ ڈائریکٹر،این ای سی اے کے دفتر میں ایک نتیجہ خیز اور مستقبل کے حوالے سے ایک ملاقات ہوئی ہے تاکہ ملک بھر میں الیکٹرک وہیکل (ای وی) چارجنگ اسٹیشنوں کے رول آؤٹ میں تاخیر سے پیدا ہونے والے اہم چیلنجوں سے نمٹا جا سکے۔ ملاقات میں13 NEECA لائسنسوں کے اجراء اور 5 EV چارجنگ یونٹس کی مقررہ جگہوں پر آمد کے باوجود بجلی کے کنکشن میں تاخیر،میٹر کی طویل تنصیبات،اور متعلقہ DISCOs اور آئل مارکیٹنگ کمپنیوں سے NOC کی منظوری سمیت طریقہ کار کی رکاوٹوں پربات کی گئی . ملک خدا بخش نے پاکستان بھر میں 3,000 ای وی چارجنگ اسٹیشنوں کی تنصیب کے لیے منظور شدہ روڈ میپ کا اشتراک کیا۔جواب میں ہمایوں خان نے مکمل ادارہ جاتی تعاون کا یقین دلایا اور اس اقدام کو ملک بھر میں 6,000 EV چارجنگ اسٹیشنوں تک بڑھانے کے لیے پختہ عزم کا اظہار کیا۔
میٹنگ میں ای وی چارجر کی درآمدات کے اہم پہلوؤں کا بھی احاطہ کیا گیا،بشمول کسٹم ڈیوٹی،ریگولیٹری دستاویزات،اور انٹر ایجنسی کوآرڈینیشن۔ ہمایوں خان نے اس تجویز کا خیرمقدم کیا اور اس قومی سبز نقل و حرکت کے اقدام کے بروقت سہولت اور موثر نفاذ کو یقینی بنانے کے لیے تین دن کے اندر ایک تفصیلی مسئلہ اور حل کی رپورٹ کے ساتھ بین الاقوامی سطح پر مطابقت رکھنے والے EV چارجر برانڈز کے لیے سفارشات کی درخواست کی.
یاد رہے کہ حال ہی میںحکومت کی جانب سے بھی یہ فیصلہ کیا گیا ہے کہ ملک میں ابھی کوئی بھی نیا سٹیشن لگانے والوں پر پابندی ہوگی کہ وہ پٹرولیم کے ساتھ ساتھ الیکٹرک چارجنگ کا سسٹم بھی لگائیں گے
