بیورو آف امیگریشن اینڈ اوورسیز ایمپلائمنٹ نے رواں سال بیرون ملک کام کرنے والے ورکرز کے استحصال میں ملوث تین اوورسیز ایمپلائمنٹ پروموٹرز کے لائسنس کینسل جبکہ 19 کے معطل کر دیئے ہیں۔

اسلام آباد(نیوزرپورٹر) بیورو آف امیگریشن اینڈ اوورسیز ایمپلائمنٹ نے رواں سال بیرون ملک کام کرنے والے ورکرز کے استحصال میں ملوث تین اوورسیز ایمپلائمنٹ پروموٹرز کے لائسنس کینسل جبکہ 19 کے معطل کر دیئے ہیں۔ بیورو آف امیگریشن اینڈ اوورسیز ایمپلائمنٹ کے ذرائع کے مطابق99 فیصد پروموٹرز کے لائسنس ورکرز کی شکایات کے جواب نہ دینے جبکہ تین پروموٹرز کے لائسنس ورکرز کے واجبات ادا نہ کرنے کی بنا پر کینسل کئے گئے۔ بیورو کی لسٹ کے مطابق تین ایجنسیوں الفتہ انٹر پرائزز، فیتھ انٹرنیشنل راولپنڈی جبکہ ال واسیو انٹرنیشنل لاہور کو ملک میں کام کرنے سے روک دیا گیا ہے جبکہ ایمپلائمنٹ پروموٹرز چوہدری مین پاور سروسز، باب خیبر، اسمیکس ایجنسی اور دیگر کو وزیراعظم کے معاون خصوصی برائے سمندر پار پاکستانیز کی ہدایت پر معطل کر دیا گیا ہے۔