چین پاکستان اقتصادی راہداری منصوبے کے تحت بہاولپور کے نئے ریلوے سٹیشن پر کام بھرپور طریقے سے جاری ہے جس پر 20 کروڑ روپے لاگت آئے گی۔پاکستان ریلوے ملتان ڈویژن کی ڈویڑنل کمرشل افسر نبیلہ اسلم کے مطابق یہ منصوبہ تکمیل کے قریب ہے۔ انہو ں نے کہا کہ عمارت کے اوپر بہاولپور کی سابق ریاست کی اسلامی ثقافت کا مظہر چار گبندوں کی تعمیر کا کام بھی تکمیل کے مراحل میں ہے۔ انہوں نے امید ظاہر کی کہ اس جدید عمارت کی تکمیل سے پاکستان ریلوے مسافروں کو ٹکٹوں اور ٹرین کے اوقات کار کے جدید نظام جیسی جدید سہولتیں فراہم کرے گا۔
