پاکستان سمیت دنیا کے کئی ممالک میں آج جبکہ افریقی، وسط ایشیائی، مشرقِ وطیٰ کے ممالک میں عیدالاضحیٰ گزشتہ روز منائی گئی۔
اس موقع پر مسلمان حضرت ابراہیم علیہ السلام کی سنت پر عمل کرتے ہوئے جانور قربان کرتے اور اس کا گوشت غربا ومساکین اور دوست احباب میں تقسیم کرتے ہیں۔
عید کے دن کا آغاز نمازِ عید کے اجتماعات سے ہوتا ہے جس کے لیے کھلے میدانوں اور جگہوں پر خصوصاً انتظام کیا جاتا ہے۔
عیدالاضحیٰ کو بقرہ عید، عید قربان اور جنوبی ایشیا میں بڑی عید کے نام سے بھی جانا جاتا ہے۔
