سندھ حکومت نے سی پیک کے تحت خصوصی اقتصادی زون دھابیجی کی بڈنگ میں ڈویلپرز کو مدعو کرنے کیلئے تمام تر انتظامات مکمل کرلئے

سندھ حکومت نے سی پیک کے تحت خصوصی اقتصادی زون دھابیجی کی بڈنگ میں ڈویلپرز کو مدعو کرنے کیلئے تمام تر انتظامات مکمل کرلئے ہیں۔ سندھ اکنامک زون مینجمنٹ کمپنی کے چیف ایگزیکٹو آفیسر عبدالعظیم کے مطابق سندھ حکومت نے ملک کے تین خصوصی اقتصادی زونز میں سے ایک دھابیجی زون میں نجی سرمایہ کاروں کو شامل کرنے کے لئے ہوم ورک مکمل کرلیا ہے۔ یاد رہے کہ ان تین اقتصادی زونز کے قیام کا فیصلہ ساتویں جے سی سی اجلاس میں ہوا تھا جس میں خیبر پختونخوا میں رشکئی اقتصادی زون، سندھ میں دھابیجی اکنامک زون اور فیصل آباد میں علامہ اقبال انڈسٹریل سٹی شامل ہیں۔ دھابیجی خصوصی اقتصادی زونز 1500 ایکڑ اراضی پر مشتمل ہے اور یہ پورٹ قاسم سے منسلک ہے۔