ملک میں احتساب کے نام پر انتقامی کارروائیاں کسی صورت قبول نہیں،محمد عامر صدیقی

راولپنڈی(نیوزرپورٹر) پیپلزپارٹی کے رہنماء محمد عامر صدیقی نے کہا ہے کہ ملک میں احتساب کے نام پر انتقامی کارروائیاں کسی صورت قبول نہیں بیماری پر علاج معالجے کی سہولت فراہم کرنا حکومت کی ذمہ داری ہے سابق صدر و شریک چیئرمین آصف علی زرداری کی صحت ناساز ہے انہیں طبی معائنہ کے لیے ہسپتال منتقل کیا جائے مرد حر آصف علی زرداری کو کچھ ہو ا تو اس کی ذمہ دار عمران نیازی اور پنجاب حکومت ہو گی ان خیالات کا اظہار انہوں نے کارکنوں سے خطاب کرتے ہوئے کیا۔ محمد عامر صدیقی نے کہا کہ حکو مت نے اپنی ناکامیاں چھپانے کے لیے احتساب کے نام پر کارروائیاں شروع کر رکھی ہیں اور محض اپوزیشن کو ہی اس کا نشانہ بنایا جا رہا ہے جبکہ حکومت میں شامل کالی بھیڑوں کو کوئی پوچھنے والا نہیں عوام نیازی کی باتوں میں نہیں آنے والے بڑھتی ہوئی مہنگائی نے عوام کا جینا محال کر دیا وہ وقت دور نہیں جب عوام نیازی حکومت کے خلاف سڑکوں پر ہونگے۔