وزارت ہاؤسنگ اینڈ ورکس نے سیکٹر جی14/1، 2 اور 3 میں اب تک 54 الاٹیز کو حتمی لیٹرز  دیئے ہیں

اسلام آباد:وزارت ہاؤسنگ اینڈ ورکس نے سیکٹر جی14/1، 2 اور 3 میں اب تک 54 الاٹیز کو حتمی قبضے کے لیٹرز دے دیئے ہیں۔ وزارت ہاؤسنگ اینڈ ورکس کے ایک عہدیدار نے بتایا کہ سیکٹر جی۔14 میں نئے مکانات کی تعمیر  کی منظوری کے لئے 8 کے قریب الاٹیز نے 9     عدم اعتراضی سرٹیفکیٹ (این او سی) کے اجراء کیلئے درخواست دی ہے۔ عہدیدار نے بتایا کہ 8 میں سے  چار الاٹیز نے سیکٹر جی۔ 14/3 میں اپنے پلاٹوں پر مکانات کی تعمیر شروع کر دی ہے۔ ایک سوال کے جواب میں ، انہوں نے کہا کہ یہ حقیقت ہے کہ وفاقی کابینہ نے مارچ 1995ء کو منعقدہ اپنے اجلاس میں وفاقی سرکاری ملازمین کیلئے نئی سرکاری رہائش گاہوں کی تعمیر پر پابندی عائد کر دی تھی اور  تنخواہوں کے ساتھ کرایہ بھی  وفاقی سرکاری ملازمین کی بنیادی تنخواہوں میں شامل کر دیا تھا  ۔