سرکار دو عالم ۖ کی آمدپر خوشیاں منانا مومنوں کا شیوہ ہے،رضا مصطفٰے نورانی

راولپنڈی( جنرل رپورٹر)آقائے دو جہاں سے عشق و محبت ہی اصل ایمان ہے سرکار دو عالم ۖ کی آمدپر خوشیاں منانا مومنوں کا شیوہ ہے ان خیالات کا اظہارمرکزی جلوس میلاد کمیٹی راولپنڈی کینٹ نا ظم اعلیٰ علا مہ رضاء المصطفٰے نورانی نے بزم سیرت عزیز آباد کے زیر صدارت سید قاسم حسنین شاہ منعقدہ محفل میلاد مصطفےٰ سے خطاب میں کیا۔محفل کے اختتام پر بزم سیرت کی نئی تنظیم سازی کی گئی سرپرست اعلی سید رفاقت حسین شاہ،صدر سید کمال علی غالب،سینئر نائب صدر راجہ اشفاق احمد،سینئر نائب صدر دوئم سید عدیل شاہ،نائب صدر شیخ یاسر بشیر ،جنرل سیکرٹری راحیل عطاری،جوائنٹ سیکرٹری ارشد محمود، سیکرٹری نشرو اشاعت محمد وقاص سجادمنتخب ہوئے قاسم شاہ نے کہا کہ انشاء اللہ بزم سیرت آئندہ میلاد کے موقع پر بڑھ چڑھ میلاد کی کاوشوں میں حصہ ڈالے گی۔