چینی میڈیا گروپ کے زیر اہتمام دسویں عالمی ویڈیو میڈیا فورم کا انعقاد

بیجنگ:چینی میڈیا گروپ کے تحت بین الاقوامی ویڈیو نیوز ایجنسی نے دسویں عالمی ویڈیو میڈیا فورم کی آن لائن میزبانی کی ہے۔ دنیا کے 42 ممالک اور خطوں میں 56 میڈیا تنظیموں کے 63 شرکانے عالمی میڈیا کے باہمی تعاون کے موضوع پر تبادلہ خیال کیا۔ چینی میڈیا گروپ کے ڈائریکٹر جنرل شن ہائی شونگ نے اجلاس سے خطاب میں اس بات پر زور دیا کہ سی ایم جی عالمی میڈیا کے ساتھ پروگراموں کی شیئرنگ ، مشترکہ پروڈکشن اور براڈکاسٹنگ ، کاپی رائٹ ٹرانزیکشنز ، ٹیکنالوجی ریسرچ اور ڈویلپمنٹ اور عہدیداران کے تبادلے کے معاملے میں اعلی سطح کے تعاون کو فروغ دیتا رہے گا۔ انہوں نے اس بات پر زور دیا کہ صرف اعتماد سے ہی تعاون اور جیت جیت کا حصول ممکن ہے۔شن ہائی شونگ نے اکہا کہ موجودہ دنیا غیر یقینی صورتحال اور عدم استحکام سے دو چار ہے ، عالمی معیشت آہستہ آہستہ بحال ہورہی ہے ، اور بین الاقوامی نظم مستحکم نہیں ہے۔ صدر شی جن پنگ نے بار بار بہتر دنیا کی تعمیر کے لئے تعاون پر زور دیا ہے۔ انہوں نے کہا کہ بحران کے وقت تمام ممالک کو مشترکہ مشاورت ، مشترکہ شراکت ، اور مشترکہ فوائد کے اصول کے مطابق تعاون کرنا چاہیے۔