چوہدری تنویر کے خلاف انتقامی کاروائی کی مذمت کرتے ہیں،یاسر بھٹی

راولپنڈ ی ( جنرل رپورٹر) پاکستان مسلم لیگ ن راولپنڈی کے سوشل میڈیا کوآرڈینیٹریاسر بھٹی نے چوہدری تنویر خان کے خلاف انتقامی کاروائی کی شدید الفاظ میں مذمت کرتے ہوئے کہا کہ مسلم لیگ ن کے خلاف انتقامی کاروائیوں کا سلسلہ بند کیا جا ئے تبدیلی سرکار اور اس کے حواری اپنی ناکامی چھپانے اور اقتدار کے نشے میںآکر لیگی قائدین کے خلاف انتقامی کاروائیاں کروا رہے ہیں ان خیالات کااظہار انہوں نے سوشل میڈیا ٹیم کے اجلاس سے خطاب کے دوران کیا انہوں نے کہا کہ پہلے احتساب کے نام پر جھوٹے من گھڑت مقدمات بنا کر لیگی قائدین کونشانہ بنایا گیا اور اب تجاوزات کا سہارا لے کر نئے مقدمات بنائے جارہے ہیں انہوں نے مزید کہا کہ لیگی قائدین کے خلاف انتقامی کاروائیو ں کا سلسلہ بند نہ کیا گیا تو مسلم لیگ ن کی جانب سے بھرپور احتجاج کیاجائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔