دریائے کنہار کے پانی سے بجلی پیدا کرنے کے منصوبے سکھی کناری میں دریا کے آگے بند باندھنے کے دوسرے مرحلے کی تکمیل

اسلام آباد:صوبہ خیبر پختونخوا کے ضلع مانسہرہ میں سی پیک کے تحت دریائے کنہار کے پانی سے بجلی پیدا کرنے کے منصوبے سکھی کناری میں دریا کے آگے بند باندھنے کا دوسرا مرحلہ مکمل ہوگیا ہے ۔اس مرحلے کی تکمیل کے بعد یہ منصوبہ ڈیم کی تعمیر کے نئے حصے میں داخل ہو چکا ہے۔سی پیک اتھارٹی کے حکام کے مطابق دریائے کنہار کی مرکزی آبی گزر گاہ کی کامیاب کٹائی کے ذریعے پانی کا بہائو اسپل وے کی طرف موڑ دیا گیا ہے۔ جس کا مقصد سی پیک کے تحت بجلی گھر کے ڈیم کی تعمیر کے لئے مجوزہ جگہ کو پانی سے آزاد کرنا ہے۔سکھی کناری پن بجلی منصوبے کی تعمیر تقریبا 1.96 بلین امریکی ڈالرز کی مجموعی سرمایہ کاری کے ساتھ جنوری 2017 میں شروع ہوئی تھی ، جو متوقع طور پر دسمبر 2022 میں مکمل ہو گی، منصوبے کے ڈائریکٹر برائے معیار،صحت، تحفظ و ماحولیاتی انتظام کے مطابق منصوبے کی تکمیل کے بعد سالانہ تقریبا 3.21 بلین کلو واٹ فی گھنٹہ ماحول دوست بجلی حاصل ہوگی۔