جھنگی سیداں کیلئے واٹر سپلائی اسکیم کی منظوری پر محسن اسلام آباد اسد عمر کے شکر گزار ہیں۔ عامر مغل

اسلام آباد سینئیر رہنما تحریک انصاف عامر مغل نے یوسی 45 جھنگی سیداں میں پانی کی اسکیم کی منظوری دینے پر اسد عمر کا شکریہ ادا کیا ہے۔ عامر مغل نے کہا ہے کہ تاریخ اسد عمر کو محسن اسلام آباد کے طور پر یاد رکھے گی۔ کیونکہ اتنے تاریخی کام پچھلے چالیس سال میں نہیں ہوئے جتنے پچھلے تین سالوں میں ہو رہے ہیں۔ جن میں 50 کروڑ کی لاگت سے گلیوں کی اسکیمیں ہیں۔ 90 کروڑ کی لاگت سے جی _14 اور جی_15 میں گرلز اور بوائز ڈگری کالج بن رہے ہیں۔ کروڑوں روپوں کی لاگت سے دو ڈسپینسریاں بن رہی ہیں اور اس کے علاوہ علاقے کی عوام کے سب سے بڑے مطالبے پر کروڑوں روپے کی لاگت سے پوری یوسی کیلئے واٹر سپلائ اسکیم کیلئے سروے شروع ہو چکا ہے۔ سروے کے بعد اس کا ٹینڈر جاری کر کے فوری طور پر واٹر سپلائ کی لائنوں کی تنصیب اور واٹر ٹینکس کی تعمیر شروع کر دی جائے گی۔ تاکہ گھر گھر عوام کو پانی مہیا کیا جا سکے۔ جھنگی سیداں میں واٹر سپلائ اسکیم کو منظوری کے بعد اس کا سروے شروع کروانے پر عامر مغل نے اہلیان جھنگی کی طرگ سے اسد عمر کا شکریہ ادا کیا اور کہا کہ انھیں اسلام آباد کی عوام کی طرف سے محسن اسلام آباد کا لقب دیا گیا ہے۔