آزادکشمیر کے لیے 4 ارب 4کروڑ روپے کی رقم جاری

وفاقی حکومت نے آزادکشمیر کے سالانہ ترقیاتی پروگرام 2017-18کے لیے مختص کردہ فنڈز کی دوسری سہ ماہی (اکتوبر ۔دسمبر 2017) کی قسط مبلغ 4ارب 4کروڑ روپے کی رقم جاری کر دی ہے۔ محکمہ منصوبہ بندی وترقیات نے یہ فنڈز متعلقہ محکمہ جات کو ریلیز کر دیے ہیں۔ فنڈز کی بروقت فراہمی سے آزاکشمیر کے ترقیاتی منصوبہ جات کے لیے رواں مالی سال کے مالی و مادی اہداف حاصل ہو سکیں گے ۔ وفاقی حکومت کا یہ اقدام آزادجموں وکشمیر کی تعمیر وترقی میں حکومت پاکستان کی دلچسپی کا عکاس ہے۔