تنہائی میں ملاقات کی یہ درخواست شہری شاہد یعقوب کی جانب سے اسلام آباد ہائی کورٹ میں دائر کی گئی ہے ،سماعت کے لئے مقرر
اسلام آباد (نیوزرپورٹر)اسلام آباد ہائیکورٹ میں عمران خان اور ان کی اہلیہ بشری بی بی کی جیل میں تنہائی میں ملاقات سے متعلق درخواست سماعت کے لیے مقرر کر دی گئی۔جسٹس ارباب محمد طاہر شہری شاہد یعقوب کی جانب سے دائر درخواست پر سماعت کریں گے۔ درخواست گزار نے موقف اختیار کیا ہے کہ وہ بانی پی ٹی آئی کی سیاسی فکر کا پیروکار اور ان کا فالور ہے۔ اس کا کہنا ہے کہ **قیدیوں کو جیل میں اپنی بیوی یا شوہر سے تنہائی میں ملاقات کا حق دیا جانا چاہیے**، جو ایک بنیادی انسانی حق ہے۔درخواست میں عدالت سے استدعا کی گئی ہے کہ بانی پی ٹی آئی اور بشری بی بی کو یہ سہولت فراہم کرنے کے احکامات جاری کیے جائیں۔
واضح رہے کہ اسلا آباد ہائی کورٹ نے درخواست سماعت کیلئے مقرر کر دی ہے اور اس پر آج سماعت کا امکان ہے۔
یا د رہے کہ عمران خان اور ان کی اہلیہ بشریٰ بی بی دونوں اڈیالہ جیل میں الگ الگ قید ہیں اور ایک دوسرے سے ملاقات نہیں کر سکتے۔
