پٹرولیم مصنوعات میں اضافہ عوام دشمنی ہے , حاجی عارف چودھری

سیالکوٹ… پٹرولیم مصنوعات میں اضافہ عوام دشمنی ہے اس سے ملک میں مہنگائی و گرانی کا شدید طوفان آئے گا۔حکومت پٹرولیم مصنوعات میں اضافہ فوری طور پر واپس لیکر عوام کو ریلیف دے۔ان خیالات کا اظہار حاجی محمد عارف چودھری سنیر راہنما پاکستان پیپلزپارٹی آزاد کشمیر و امید وار صوبائی اسمبلی حلقہ پی پی 121 نے اپنے ایک اخباری بیان میں کیا انہوں نے کہا کہ عالمی منڈی میں پٹرولیم مصنوعات کی قیمتیں انتہائی کم ہیں جبکہ موجودہ حکمران طبقہ نے اپنی عیاشیوں اور اللوں تللوں کو دوام دینے کے لئے پٹرولیم مصنوعات کی قیمتوں میں نا جائز اضافہ کردیا ھے۔انہوں نے کہا کہ موجودہ حکمران آئے روز لندن یاترا کرکے عوام کا قیمتی سرمایہ اپنی عیاشیوں پر خرچ کر رہے ہیں اور لندن کو انہوں نے ملک کا دوسرا دارالخلافہ بنا رکھا ھے اور ایک نااہل شخص سے ملاقات کے لئے خصوصی طیاروں سے لندن جاتے ہیں انہوں نے کہاکہ لندن پلان ملک و قوم اورقومی سلامتی کے اداروں کے خلاف سازش ھے موجودہ وزیراعظم ایک کٹھ پتلی وزیراعظم کا کردار ادا کر رہے ہیں جو جمہوریت ،ملک و قوم کے ساتھ مذاق ھے۔۔۔!!!