پاکستان یوٹیلیٹی کارپوریشن کے اعلیٰ عہدیدارو ں کی عدم دلچسپی اور لاپروائی کی وجہ سے گائوں کرپا کے لوگ حکومتی پیکچ سے تاحال مستفید نہ ہوسکے

اسلام آباد(نیوزرپورٹر)پاکستان یوٹیلیٹی کارپوریشن کے اعلیٰ عہدیدارو ں کی عدم دلچسپی اور لاپروائی کی وجہ سے گائوں کرپا کے لوگ حکومتی پیکچ سے تاحال مستفید نہ ہوسکے۔ اسلام آباد کے یونین کونسل کرپا کی جواد مارکیٹ میں عرصہ دراز سے یوٹیلٹی سٹور قائم ہے ،جس سے گائوں کرپا کے علاوہ دیگر دیہات،جن میں چنول ،دروالہ ،پیجا ،آڑا شامل ہیںاور وہ بھی اس سے مستفید ہورہے تھے،یوٹیلیٹی سٹور کرپا کے ملازمین نے بتایا کہ ہم نے یوٹیلیٹی سٹور کیلئے بہت سی اشیاء کی ڈیمانڈ کی تھیں ،لیکن ابھی تک صرف دس بوری چینی ملی ہے ۔باقی سٹورخالی پڑا ہوا ہے،سٹور کی صورتحال سے ہم اکثر و بیشتر اعلیٰ حکا م کو آگاہ کرتے رہتے ہیں۔ماضی میں یہ سٹور ریکارڈ سیل کرتا رہا ہے،اہل علاقہ نے اعلیٰ حکام سے مطالبہ کیا ہے کہ وہ سٹور کو جلد از جلد سامان فراہم کریں۔