جمہوریہ چیک میں پھیلتے اسلام نے مخالفین کی نیندیں اڑادیں مایوس ہو کر دھمکیوں پر اتر آئے

جمہوریہ چیک میں اسلام ایک تیزی سے پھیلتے مذہب کے طور پر سامنا آیا ہے جس نے اسلام دشمنوں کی نیندیں حرام کر دی ہیں اور اب وہ مایوس ہو کر قتل کی دھمکیوںپر اتر آئے ہیں۔بین الاقوامی خبر رساں ادارے کے مطابق جمہوریہ چیک میں نامعلوم شرپسندوں نے ایک مسجد کو نقصان پہنچایا اور دیواروں پر نفرت انگیز اور مسلمانوں کو قتل کی دھمکیوں والے نعرے لکھ دئیے ۔پولیس نے بتایا کہ نامعلوم افراد نے دیواروں پر لکھا کہ ملک میں اسلام مت پھیلاؤ ، ورنہ ہم تمہیں قتل کر دیں گے ۔ترجمان نے بتایا کہ اس معاملے کی تحقیقات کی جا رہی ہے ۔مسلم کمیونٹی سنٹر کے سربراہ منیب حسان الراوی نے واقعہ کی مذمت کرتے ہوئے کہا کہ ہم انتہائی سنجیدگی سے اسے براہ راست دھمکی کے طور پر لے رہے ہیں۔اس واقعہ کو دنیا بھر اور جمہوریہ چیک میں مسلمانوں اور مساجد پر ہونیوالے حملوں کے تناظر میں دیکھتے ہیں۔